նախընտրելի դարձնելՌուսաստանի պետդումայի ՌԼԴԿ-ի պատգամավոր, բնական ռեսուրսների, շրջակա միջավայրի և բնապահմանության հանձնաժողովի փոխնախագահ Մաքսիմ Շինգարկինը ծեծել է «Շերեմետեւո» օդանավակայանի հսկիչներին` հրաժարվելով անցնել մինչթռիչքային զննում:
Դեպքը տեղի է ունեցել հուլիսի 30-ի առավոտյան: Պատգամավորը կնոջ եւ երկու երեխաների հետ պետք է թռչեր Ստամբուլ: Life News-ի տնօրինության տակ է հայտնվել տեսախցիկների ձայնագրությունը, որոնցում պարզ երեւում է, թե ինչպես է պատգամավորը հրաժարվում զննում անցնել` նախ ծնկով հարվածելով հսկիչի աճուկին, ապա անվտանգության ծառայության ավագ աշխատակցին: Շինգարկինին ձերբակալել չի հաջողվել, քանի որ նա ունի դիվանագիտական անձեռնմխելիություն:
«Ես բացատրել եմ անվտանգության աշխատակցին, որ գոյություն չունի այնպիսի օրենք, ըստ որի քաղաքացին պետք է զննման ենթարկվի օդանավակայան մտնելուց առաջ: ես ցանկանում էի բացատրել, սակայն հակասություն առաջացավ»,_պատմել է Շինգարկին:
«Շերեմետեւոյի» մամուլի ծառայությունից հայտնում են, որ օդանավակայանի մուտքի մոտ զննումը պարտադիր է անգամ տրանսպորտային ցանցի աշխատակիցնեի համար:
