նախընտրելի դարձնելՀոլիվուդյան դերասանուհի Նիկոլ Քիդմանը կրկին կնկարահանվի սկանդալային հռչակ վայելող Լարս ֆոն Տրիերի ֆիլմում։ «Նիմֆոմանուհին» ֆիլմում, սակայն, գլխավոր դերը կստանձնի Շարլոտա Գենսբուրգը։ Նշենք, որ Քիդմանի եւ ֆոն Տրեիրի նախորդ համագործակցությունը եղել է 9-ամյա վաղեմությամբ «Դոգվիլ» ֆիլմում։
Ֆոն Տրիերն ի սկզբանե ցանկացել է Քիդմանի տեղում տեսնել Կիրստեն Դանստին, սակայն այս դերասանուհին մերժել է ռեժիսորին։
«Նիմֆոմանուհու» նկարահանումները նախատեսված են օգոստոսին։ Ֆոն Տրիերը մտադիր է պատմել «թեթեւ, պոետիկ պատմություն՝ ծնունդից մինչեւ 50-ամյակն ընկած տարիների կնոջ էրոտիկ ճանապարհորդության մասին»։ Ըստ «Правда.Ру»-ի, բացի Շարլոտա Գինսբուրգից եւ Քիդմանից, ֆիլմում կխաղաղան նաեւ Ուիլիամ Դեֆոն, Ստելլան Սկարսգրադը։
«Նիմֆոմանուհին» կթողարկվի երկու տարբերակով՝ թեթեւ՝ լայն լսարանի, եւ «ծանր» ավելի նեղ լսարանի համար։ Նկարահանումները կանցկացվեն Գերմանիայում։ Ֆիլմը նախատեսվում է ավարտել եւ լույս ընծայել 2013-ին։
