նախընտրելի դարձնելՀազարավոր վայրի մեղուներից բաղկացած պարսը Նյու Յորքի Փիթսբուրգի օդանավակայանում ուշացրել է միջազգային ավիաչվերթը: Մեղվաբույծ Սթիվեր Ռեպասկիին կանչել են օդանավակայան, որպեսզի նա հավաքի միջատներին, որոնք ծածկել են թռիչքի պատրաստված ինքնաթիռի թեւը:
Ըստ մեղվաբույծի` մեղուների նման պարսերը գոյանում են այն պահերին, երբ նրանք շատանում են, հին թագուհին լքում է այն` իր հետ տանելով պարսի կեսը: Նման մի քանի պարսեր կարող են ունենալ 25 -30 հազար մեղու, հայտնում է NEWS.ru.com-ը:
Ըստ Ռիպասկիի` այդ վայրի մեղուների բույնը գտնվում է օդանավակայանի շրջակայքում: Սակայն նա չի կարողացել ոչնչացնել նրանց, քանի որ այդ միջատները պահպանվում են օրենքով:
Նման դեպք տեղի էր ունեցել նաեւ 2007 թվականին Palmair ավիաընկերության Boeing-737-ում, որը մեկնում էր Բրիտանիայից Պորտուգալիա: Անմիջապես թռիչքից հետո օդաչուները նկատել են, որ շարժիչներից մեկի աշխատանքն անհարթ է:
Պարզվել է, որ թռիչքի սկզբին շարժիչ պարս է ներխուժել: Ինժեներները եկել են այն եզրակացության, որ ավելի լավ է ուղեւորներին այլ ինքնաթիռ փոխադրել:
