նախընտրելի դարձնելԵգիպտոսում զինված հարձակում է տեղի ունեցել Քարմ Աբու Սալեմ սահմանային անցակետի վրա, որը գտնվում է Սինայի թերակղզու հյուսիսում` Իսրայելի սահմանին: Զոհվել է իրավապահ մարմինների 16 աշխատակից, 7-ը վիավորվել են:
Ըստ Եգիպտոսի ՆԳՆ-ի` հարձակումն իրագործել են «Ալ Ջիհադի» ծայրահեղականները: Հանցագործներն օգտագործել են նախկինում առեւանգած ոստիկանական մեքենան:
Սահմանապահներն ստիպված մարտի են ելել: Ոչնչացվել է 19 ծայրահեղական:
Եգիպտոսի նախագահ Մուհամեդ Մուրսին հայտարարել է, որ «Եգիպտոսի բանակը եւ ներքին անվտանգության ուժերն իրենց վերահսկողության տակ կվերցնեն իրադրությունը Սինայի թերակղզում»:
«Համաս» շարժումը դատապարտել է Եգիպտոսի եւ Իսրայելի սահմանի այդ հարձակումը:
Իսրայելի բանակի մամլո ծառայությունն իր կողմից հայտնել է, որ գրոհայինները փոձել են ականապատ մեքենաներով թափանցել Իսրայել, սակայն չեզոքացվել են իսրայելացի զինվորականների կողմից:
Իսրայելական կողմից տուժածներ չկան: Ոչնչացվել է 3 ահաբեկիչ, նրանց մարմինները հայտնաբերվել են հանցագործության վայրում, հաղորդում է NEWSru Israel-ը:
Ականապատ մեքենաներից մեկը պայթել է սահմանապահ Քերեմ Շալոմ անցումի մոտ` Եգպտոսի, Գազայի եւ Իսրայելի հանգույցում, երկրորդը ոչնչացվել է օդային հարվածով:
