նախընտրելի դարձնելFitch-ը 2012 թվականին Հայաստանում կանխատեսում է վարկավորման աճի բարձր տեմպ` մինչեւ 21,3%: Բարձր տեմպով երկրների շարքում են Լեսոտոն (19%), Չինաստանը (18%), Ադրբեջանը(15,7%) եւ Զամբիան (15,4%):
Ինչպես հայտնում է «Վեդոմոստին», ըստ Fitch-ի` աշխարհում վարկավորման տեմպերը դանդաղել են 5%` 2010 թվականին, 4%` 2011-ին եւ 3%` 2012-ին:
Վարկերի ամենաբարձր տեմպերը նախկինի պես Ասիայում են` 11%` 2011 թվականին, 9%` 2012 -ին, Լատինական Ամերիկայում` 10 եւ 5% համապատասխանաբար, Աֆրիկայում եւ Մերձավոր Արեւելքում` 7 եւ 5%: Ամենացածր տեմպերը (3%) Արեւմտյան եւ Հարավային Եվրոպայում են:
Վարկավորման բարձր տեմպերը կարող են տնտեսության արագ աճի կամ հիվանդության ախտանշան լինել, գրում է Fitch-ը: Մեծ ռիսկերի խմբում Fitch-ն ընդգրկել է Արգենտինային, Հոնկոնգին, Ինդոնեզիային, Կիպրոսին, Չինաստանին, Թուրքիային եւ Շրի Լանկային, որտեղ վարկավորման տեմպերը 2011 թվականին կազմել են 14-32%: Այդ երկրներում անշարժ գույքի գները միջինից բարձր են:
