նախընտրելի դարձնելՕգոստոսի 6-ին իրանական հեռուստատեսությունը ցուցադրել է 14 իրանցիների խոստովանությունը, որոնք մասնակցել են 5 ֆիզիկոս-միջուկաբանների սպանությանը: Որոշ կասկածյալներ խոստովանել են, որ ուսումնառություն են անցել Թել Ավիվի ռազմակայանում:
Ըստ կասկածյալներից մեկի` Մազիարա Իբրահիմիի` գիտնականների վրա մահափորձին մասնակից են եղել ահաբեկիչների 3 խումբ: Մի մարդ մեքենայով գնացել է գիտնականի մեքենայի առջեւից, որպեսզի դանդաղեցնի նրա ընթացքը: Մոտոցիկլետներով 2 ահաբեկիչներ ռումբով հետեւել են գիտնականին: Մի խումբ էլ գտնվել է մահափորձի վայրից մի փոքր հեռու` օգնություն ցուցաբերելու նպատակով, հայտնում է «Ինտերֆաքսը»:
Կասկածյալներից մեկը հայտարարել է, որ սպանության ֆինանսավորումը կատարվել է ԱՄՆ-ի եւ Իսրայելի կողից: Պատմել է, որ սկզբում Թուրքիա է ուղեւորվել, այնուհետեւ` Կիպրոս: Հենց Կիպրոսից է նա հետագայում հասել Իսրայել, որտեղից էլ` Թել Ավիվ:
2010 թվականին Իրանում 5 հարձակում էր տեղի ունեցել իրանցի միջուկաբանների վրա: Գիտնականների սպանության համար կիրառվել են ռումբեր, որոնք տղակայվել էին մեքենաներին: Նաթանզում ուրանի հարստացման ծրագիրը համակարգող Ահմադի Ռոշանը եւ Մջիդ Շահրիարին սպանվել էին նույն կերպ` նրանց մեքենաները պայթեցվել են Թեհրանում:
Իրանը գիտնականների սպանության մեջ մեղադրել էր իսրայելական «Մոսադ» հատուկ ծառայությանը, ինչպես նաեւ ամերիկյան ԿՀՎ-ին եւ բրիտանական MI6-ին:
