նախընտրելի դարձնելԵրեւանում անցնող օրերին հրդեհի երեք դեպք է արձանագրվել:
Ինչպես NEWS.am-ին հայտնեցին ԱԻՆ-ի մամուլի ծառայությունից, ժամը 14:23-ի սահմաններում օգոստոսի 6-ին հաղորդում է ստացվել Ագաթանգողոսի փողոցի թիվ 7 տանը բռնկված հրդեհի մասին: Դեպքի վայր է ուղարկվել հրշեջ-փրկարարական երկու հաշվարկ: Հրդեհը հաջողվել է տեղայնացնել ժամը 14:33-ին, հանգցնել` 14:37-ին: Այրվել է բարձ եւ դոշակ:
Օգոստոսի 7-ի գիշերը մոտ 03:45-ին հաղորդագրություն էր ստացվել Րաֆֆու փողոցի 49 տան բռնկման մասին: Դեպքի վայր է ուղարկվել հրշեջ-փրկարարական երկու հաշվարկ, սակայն հրդեհը մարվել է մինչեւ հրշեջների հասնելը: Այրվել է բազմոցը եւ պատշգամբի հատակը:
Բացի դրանից`Եղվարդի մայրուղում տեղի է ունեցել չոր խոտի բռնկում: Հրշեջներին հաջողվել է այն մարել 15:06-ին: Այրվել է 3 հա խոտ:
