նախընտրելի դարձնելՕգոստոսի 4-ին Օդեսայի Դնեպրոպետրովյան ճանապարհի վրա զանգվածային կռիվ է տեղի ունեցել հայերի եւ ադրբեջանցիների միջեւ: Կռիվը տեղի է ունեցել աղջկա պատճառով:
«Վիճաբանությունը եղել է կնոջ պատճառով: Մեկը մյուսի հետ հանդիպել է, այնուհետեւ եկել է ինչ որ մեկի եղբայրը բարեկամների հետ միասին, տաքացած գլուխները չեն կարողացել վեճը խաղաղ ճանապարհով լուծել, եւ գործի են դրվել բռունցքները»,-«048.ua» գործակալությանը հայտնել է Օդեսայի ներքին գործերի քաղաքային տեղամասի մամուլի ծառայության ղեկավար Տատյանա Խմելնիցկայան:
Կռվին մասնակցել են մոտ 10 մարդ: Ոստիկանների ժամանումից հետո, կովկասցիներից մեկը դիմադրություն է ցույց տվել ոստիկաններին, որի համար նրան տեղափոխել են բաժանմունք: Ոստիկաններին չենթարվելու պատճառով նրան կամ տուգանքի կենթարկեն, կամ հասարակական աշխատանքի կդատապարտեն, կամ էլ տասնհինգօրյա ուղղիչ կամ վարչական ազատազրկման կենթարկեն:
Բացի այդ, իրավապահները բաժանմունք են տեղափոխել կռվի եւս մի քանի մասնակցի: Խմբերը միմյանց դեմ հայտարարություններ են գրել եւ հեռացել են վնասվածքները բուժելու:
«Կռիվը ազգային հողի վրա չի եղել: Բոլոր մասնակիցները պնդում են, որ վեճը ծագել է կնոջ պատճառով»,-ընդգծել է Խմելնիցկայան:
