նախընտրելի դարձնելApple iPhone, iPad եւ iPod touch օպերացիոն համակարգի նոր տարբերակը` iOS 6-ը, չի ներառի YouTube:
Apple-ում հայտնել են, որ Google-ի հետ պայմանագրի ժամկետը լրացել է: Ընկերությունում ավելացրել են, որ օգտվողներին YouTube-ը նախկինի պես կարող է հասանելի լինել Safari բրաուզերի օգնությամբ: Google-ն աշխատում է նաեւ YouTube-ի նոր ծառայության վրա, որը պաշտոնապես կհայտնվի App Store-ի կատալոգում, հայտնում է CNews-ը:
YouTube-ը ներառնված էր iPhone OS-ի փաթեթում 2007 թվականից, իսկ այնուհետեւ iOS-ի բոլոր նոր տարբերակներում:
Ավելի վաղ հայտնի էր դարձել, որ Apple-ը մտադիր է հրաժարվել Google-ի քարտերից iOS 6-ում` դրանք փոխարինելով սեփական ծառայությամբ: Այժմ վերլուծաբաններն սպասում են, թե երբ է ընկերությունը հրաժարվելու Google-ից` որպես որոնողական համակարգ:
