Ռուսաստանի Օրենբուրգի մարզում 4-ամյա աղջկան բռնաբարված եւ սպանված են գտել:

Սպանությունը տեղի է ունեցել Տաշինսկի շրջանի Շեստակովկա գյուղում: Աղջկա դին գտել են նրա տանից ոչ հեռու, անտառում:

Օգոստոսի 9-ին սպանության կասկածանքով ձերբակալվել է տեղի մի բնակիչ:

Life News-ի տվյալներով, նա նախորդ օրը հյուր էր եկել երեխայի մոր ընկերոջը: Տեսնելով փոքրիկին, հանցագործն առեւանգել էր, բռնաբարել եւ դանակահարել: Այժմ նա ձերբակալված է եւ ինքնախոստովանական ցուցմունքներ է տալիս: