նախընտրելի դարձնելՉնայած շինարարության անկմանը, ցեմենտի գործարաններն ավելի շատ գազ են սպառում: Այդ մասին NEWS.am-ի թղթակցին հայտնել է Հայաստանի շինարարների միության նախագահ Գագիկ Գալստյանը:
Հիշեցնենք, որ, ըստ վիճակագրական տվյալների, 2012 թվականի առաջին կիսամյակում շինարարության ծավալը կազմել է 130.7 միլիարդ դրամ, որը 6.7% -ով քիչ է 2011 թվականի համեմատ:
«Մենք գործի մարդ ենք: Մենք ուրախ ենք, երբ զարգանում է կյանքը: Հետաքրքիր է, որ գազի սպառումը ցեմենտի գործարաններում չի նվազել, այլ ավելացել է. եւ Հրազդանում, եւ Արարատում: Ուրեմն եւ պետությունը, եւ մասնավոր հատվածն ապրում եւ զարգանում են», - նշել է Գ. Գալստյանը:
Նշենք, որ մեզ հետ զրույցում ցեմենտի երկու գործարաններից մեկի ֆինանսական տնօրենը չի հաստատել գազի սպառման աճի վերաբերյալ տեղեկատվությունը:
