նախընտրելի դարձնելԳվինեայում շարունակվում է խոլերայի համաճարակը: Փետրվարից երկրում մահացել է արդեն 60 մարդ: Զոհերի մեծամասնությունը մայրաքաղաք Կոնակրիում եւ երկրի հարավ-արեւմուտքի Ֆորեկարիա քաղաքում են:
Ըստ առողջապահության նախարարության տվյալների` գրանցվել է 2 հազար հիվանդ:
«Բժիշկներ առանց սահմանների» կազմակերպությունը հայտարարել է, որ բուժհաստատություններում տեղադրում է հիվանդանոցային լրացուցիչ մահճակալներ: Խոլերայի գլխավոր պատճառը կեղտոտված ջրերն են եւ կոյուղատար վատ համակարգը, հայտնում է «Ռոսբալտը»:
Հիշեցնենք, որ աֆրիկական մեկ այլ երկրում` Ուգանդայում, Էբոլա համաճարակի բռնկում է տեղի ունեցել: Հուլիսի սկզբից այնտեղ Էբոլա վարակից վախճանվել է 16 մարդ:
