նախընտրելի դարձնելՈւլյանովսկի ոստիկանությունը գտել է դերասան Դմիտրի Խառատյանի «Toyota Land Cruiser 200» մակնիշի մեքենան, որը գողացվել էր երկու տարի առաջ:
Ռուսաստանի ՆԳՆ մարզային վարչության աշխատակիցները երկու մեքենա են բերման ենթարկել: Ավտոտեխնիկական փորձաքննության արդյունքում պարզվել է, որ դրանցից մեկի սերիական համարանիշերը փոխված են, իսկ իսկական համարանիշերը պատկանել են Խառատյանի` 2010թ. գողացված մեքենային:
Մեքենայի նոր սեփականատերը ոստիկանությանն ասել է, թե մեքենան գնել է նախկինում իրեն անծանոթ քաղաքացուց եւ ոչինչ չի իմացել գողության մասին: Ներկայումս նյութեր են ուղարկվել ՆԳՆ Մոսկվայի վարչություն` հարուցված քրեական գործով վարույթը վերականգնելու համար:
