նախընտրելի դարձնելԵգիպտոսի նախագահ Մոհամեդ Մուրսին պաշտոնանկ է արել պաշտպանության նախարար Հուսեյն Տանտավիին եւ գլխավոր շտաբի պետ Սամի Էնանին, հաղորդում է Reuters-ը:
Տանտավին ղեկավարում էր Զինված ուժերի բարձրագույն խորհուրդը` Հոսնի Մուբարաքի տապալումից հետո: Ըստ փորձագետների` խորհուրդն առավելապես կազմված էր Մուբարաքի կողմնակիցներից եւ որոշակի վտանգ է ներկայացնում Մուրսիի համար:
Նախարարին կփոխարինի գեներալ Աբդելատիֆ Սիսին: Գլխավոր շտաբի նոր պետ է նշանակվել գեներալ Սիդկի Սոբին:
Այս քայլը բացատրվում է նրանով, որ երկու ուժայիններն էլ հասել էին կենսաթոշակային տարիքի: Նշվում է, որ նրանք խորհրդականի պաշտոններ կստանան:
