նախընտրելի դարձնելՍիրական ապստամբները կարող են Թուրքիայի դեմ ուղղել իր իսկ նվիրած զենքը: Օգոստոսի 13-ին լրագրողներին նման կարծիք է հայտնել Հայաստանի Գիտությունների ազգային ակադեմիայի Արեւելագիտության ինստիտուտի տնօրեն Ռուբեն Սաֆրաստյանը` մեկնաբանելով Իրաքյան Քուրդիստանի հետ Թուրքիայի վարած խաղերը:
«Փորձելով սիրաշահել իրաքյան քրդերին` Թուրքիան կարող է իր երկրում ակտիվացնել քրդական հարցը: Մյուս կողմից Թուրքիայի տարածքում են գտնվում մի քանի տասնյակ սիրիացի փախստականներ, ովքեր արդեն բախումներ են ունենում թուրքական ոստիկանության հետ: Հետեւաբար ֆինանսավորելով սիրիական ապստամբներին, հնարավոր է, որ ի վերջո այդ զենքը Սիրիայից ներթափանցի Թուրքիայի տարածք եւ օգտագործվի իր դեմ» ,-նշել է Ռ. Սաֆրաստյանը: Դժվարին կացություն է ստեղծվել նաեւ Սիրիայի սահմանային շրջաններում, որտեղ Թուրքիան, աջակցելով ապստամբներին, արդյունքում կարող է իր սահմանի մոտ ականատես լինել պետության, կամ պետականությանը մոտ միավորման ստեղծմանը:
Բացի այդ Ասադի ռեժիմը դեռեւս չի դիմել զինված պայքարի ծայրահեղ միջոցներին: «Այդ միջոցներից է օրինակ քիմիական զենքը, որին տիրապետում է Ասադը: Եթե իշխանությունները որոշեն դիմել այդ միջոցին, ապա դրանից կտուժի ոչ միայն Սիրիան, այլ նաեւ հարեւան երկրները, այդ թվում Թուրքիան»,-նշել է Ռ. Սաֆրաստյանը:
Ապստամբներին ցուցաբերած աջակցությունը անդրադարձել է նաեւ վերջին ժամանակներս վատթարացող իրանա-թուրքական հարաբերությունների վրա: Այս առումով առավել ցայտուն է հնչել Թուրքիայում իրանական գաղտնի պատվիրակի քննադատությունները, այն դեպքում, երբ Իրանական դիվանագիտության մեջ ընդունված չէ դժգոհությունն ուղիղ արտահայտելու գործելաոճը:
«Սիրիայում տիրող իրավիճակը օգտագործվում է որպես Իրանի վրա ճնշում գործադրելու միջոց: Բայց վերջին ժամանակներս Իրանի կողմից կատարած հայտարարությունները խոսում են այն մասին, որ Իրանին շատ լավ հայտնի են պատասխան լծակները, օրինակ նա կարող է փորձել ապակայունացնել իրավիճակը Իսրայելի շուրջ», ավելացրել է Ռ. Սաֆրաստյանը:
