նախընտրելի դարձնելՕգոստոսի 14-ի գիշերը լուրջ անկարգություններ են տեղի ունեցել Ֆրասիայի հյուսիսում գտնվող Ամյեն քաղաքում: Բախման արդյունքում տուժել է 16 ոստիկան:
Անկարգություններին մասնակցել են ավելի քան 100 երիտասարդներ: Նրանք իրավապահների ուղղությամբ նետել են «ձեռքի իրեր»:
Երիտասարդները նաեւ կրակել են, հայտնում է AFP-ն` վկայակոչելով տեղական իշխանություններին: Արդյունքում անկարգությունների մասնակիցներից ոչ մեկին հնարավոր չի եղել բռնել:
Անկարգությունների պատճառների մասին դեռեւս ոչինչ հայտնի չէ: ՆԳՆ-ի մի շարք աշխատկիցներ լուրջ վնասվածքներ են ստացել, հայտնում է «Կորսեպոնդենտ.net»-ը:
Անկարգությունների հետեւանքով այրվել են մի քանի մեքենաներ, այդ թվում վնաս է հասցվել որոշ շինությունների:
