նախընտրելի դարձնելՍիրիայի Զինված ուժերի հատուկ գործողությունների շնորհիվ ազատվել են «Ալ-Իհբարիա» հեռուստաըւնկերության նկարահանող խումբը, որը Դամասկոսի նահանգում գտնվող Ատ-Տել քաղաքում առեւանգվել էին ահաբեկիչների կողմից:
Ինչպես հայտնում է սիրիական պետական տեղեկատվական ՍԱՆԱ գործակալությունը, լրագրողներ` թղթակից Յարի Սալեխիին, օպերատոր Աբդալա Թաբրիին եւ վարորդ Հուսամա Իմադիին ողջունելու են եկել նրանց գործընկերները եւ այլ հեռուստաընկերությունների աշխատակիցներ, ովքեր հայտնել են, որ պատրաստ են Հայրենիքի առաջ շարունակել իրենց պարտքը` ճշմարտացիորեն հաղորդելով Սիրիայի իրադարձությունները: Նրանք հայտնել են, որ իրականությունը անհնար է խեղդել, այն ուժեղ է ահաբեկչությունից եւ բռնությունից:
Սիրիայի Տեղեկատվության նախարար Օմրան Ազ-Զոուբին առաջիններից մեկն է ողջունել «Ալ-Իհբարիա» հեռուստաընկերության լրագրողներին ազատ արձաման կապակցությամբ:
Նշենք, որ Սիրիայում «ժողովրդավարության» եւ «Խոսքի ազատության» հաստատման համար հանդես եկող զինյալների խումբը ավելի վաղ հարձակվել էին վերոնշյալ հեռուստաընկերության գրասենյակի վրա, ինչի արդյունքում մի քանի աշխատակից սպանվել է: Նրանք նաեւ սպանել են Սիրիայի առաջատար Պետական հեռուստաընկերության եւ ՍԱՆԱ գործակալության տեղական տեղեկատվական բաժնի աշխատակցին:
