նախընտրելի դարձնելՍիրիայի կառավարական զորքերը հետ են մղել ահաբեկչական զինված խմբավորման գրոհը, որը փորձել է անցնել Հալեպ քաղաքի Սուկ Ալ-Աթմե թաղամասից Սաբահա Բահրատ շրջան: Զինյալներից շատերը ոչնչացվել են ու վիրավորվել, հայտնում է սիրիական պետական տեղեկատվական ՍԱՆԱ գործակալությունը:
Ըստ այդմ՝ նաեւ ոչնչացվել են մի քանի զինյալներ ուժային կառույցների հատուկ օպերացիայի ընթացքում Հալեպ քաղաքի Ալ-Մարջե շրջանի Բաբ Ան-Նեյրաբ թաղամասում: Սիրիայի Արաբական Հանրապետության Զինված ուժերի սակրավորները վնասազերծել են 40 կգ քաշով պայթուցիկ սարք, որը ահաբեկիչները տեղադրել էին Հալեպ քաղաքի Ալ-Մերիդիան թաղամսում գտնվող մզկիթի մոտակայքում:
Ինչպես ավելի վաղ հաղորդել էր NEWS.am-ը, Սիրիայի զինված ուժերի կողմից իրականացված հատուկ օպերացիայի արդյունքում ազատվել է կառավարամետ «Ալ- Իխբարիա» հեռուստատեսության նկարահանող խումբը, որին հափշտակել էին ահաբեկիչները Դամասկոսի նահանգի Ատ-Թել քաղաքում:
