նախընտրելի դարձնելԱվելի քան 100 զինծառայող եւ հատուկ ու մարտական ռուսական 30 միավոր կմասնակցի ՀԱՊԿ-ի Օպերատիվ արձագանքման հավաքական ուժերի «Փոխազդեցություն-2012» համատեղ զորավարժությանը, որը սեպտեմբերին տեղի կունենա Հայաստանի տարածքում:
Ինչպես հայտնում են Հարավային զինվորական շրջանի մամուլի ծառայությունից, զինավարժությունների հիմնական թեման կլինի ՀԱՊԿ մասնակից երկրների բանակների համատեղ ուժերի միասնական գործողությունները` ենթադրյալ հակառակորդի հարձակման եւ հակագրոհի կազմակերպման դեպքում:
Ներկայումս ավարտվում են ուսումնավարժանքների մեջ ներգրավված անձնակազմի մասնակցությամբ մի շարք պրակտիկ դասընթացներ, որոնք ացկացվում են «Ալագյազ» եւ «Կախմուդ» ուսումնական կենտրոններում։
Հայաստանում ՀԱՊԿ-ի Օպերատիվ արձագանքման հավաքական ուժերի զորավարժությունները կիրականացվեն համաձայն Համատեղ օպերատիվ գործողությունների եւ կառավարման մարմինների մարտական պատրաստվածության, ուժերի ձեւավորման եւ ՀԱՊԿ-ի 2012 թ-ի համատեղ անվտանգության համակարգի պլանի։
Զորավարժությունների թեման է «ՀԱՊԿ հավաքական անվտանգության համակարգի ուժերի եւ միջոցների կիրառումը Կովկասյան տարածաշրջանում ՀԱՊԿ արագ արձագանքման հավաքական ուժերի մասնակցությամբ»:
Զորավարժությունների նախապատրաստման եւ անցկացման ընդհանուր ղեկավարումն իրականացնում է ՀՀ պաշտպանության նախարարը:
Զորավարժությունների ղեկավարման շտաբի կազմը որոշում է հայկական կողմը` ՀԱՊԿ Միավորված շտաբի համակարգմամբ` ներառելով ՀԱՊԿ անդամ-պետությունների պաշտպանության նախարարությունների, շահագրգիռ նախարարությունների եւ գերատեսչությունների, ԱԱՀՈՒ ազգային զորակազմերի հրամանատարության, ՀԱՊԿ անդամ յուրաքանչյուր պետությունից ներգրավվող զորքերի (ուժերի) ներկայացուցիչներին:
