նախընտրելի դարձնելՀարավային Աֆրիկայում Մարիկանա պլատինե հանքում ոստիկանների եւ գործադուլավոր հանքափորների բախման արդյունքում վերջին տվյալներով ամենաքիչը 30 մարդ է զոհվել, կան բազմաթիվ վիրավորներ: Այս մասին հայտնում են տեղական իշխանությունները:
Վկաների տեղեկացմամբ, ոստիկանները կրակ են բացել մաչետեներով եւ մահակներով զինված ցուցարարների ուղղությամբ, հայտնում է «Ազատություն» ռադիոն:
Ավելի վաղ NEWS.am-ը հայտնել է, որ բախումները տեղի են ունեցել, երբ ոստիկանները փորձել են ցրել աշխատավարձի բարձրացում պահանջող հանքափորների բողոքի ցույցը:
«Lonmin» հանքում խռովությունները ծագել են երկու արհմիությունների առերեսման արդյունքում, որոնք պայքարում են Մարիկանայի նկատմամբ վերահսկողության համար: Հանքագործների ազգային միությունը (Հարավային Աֆրիկայի գլխավոր մասնագիտացված միությունը) եւ նրա երիտասարդ մրցակիցը` Հանքափորների եւ շինարարների ասոցացիան հերքում են տեղի ունեցած բռնությանը իրենց որեւէ մասնակցությունը: Իր հերթին «Lonmin» ընկերությունը հանքափորներին սպառնացել է ազատել աշխատանքից, եթե նրանք 24 ժամվա ընթացքում չվերադառնան աշխատանքի:
