նախընտրելի դարձնելՄԱԿ-ը Սիրիայի կարգավորման հարցով նոր հատուկ բանագնաց ունի, տեղեկացնում է Reuters-ը: 74-ամյա Քոֆի Անանին համաձայնել է փոխարինել 78-ամյա ալժիրցի դիվանագետ Լահդար Բրահիմին:
Ակն բանից հետո, երբ Քոֆի Անանը հայտարարել էր ՄԱԿ-ի հանձնակատարի պաշտոնը լքելու մասին, այդ պաշտոնում նրան փոխարինելու որպես ամենահավանական թեկնածու նշվում էր Լահդար Բրահիմիի անունը:
Հարկ է նշել, որ Քոֆի Անանը հրաժարվել էր զբաղեցրած դիրքից` հայտարարելով, որ «չի ստացել պահանջվող ողջ աջակցությունը»:
Լահդար Բրահիմին հայտնի քաղաքական գործիչ է: Նա մշակել է հաշտեցման համաձայնագիր, որի արդյունքում վերջ դրվեց 1975–1990թթ. Լիբանանում քաղաքացիական պատերազմին: Նա եղել է նաեւ ՄԱԿ-ի հատուկ բանագնացը Աֆղանստանում 1997–1999 եւ 2001–2004 թթ: ՄԱԿ-ի գլխավոր քարտուղարի հանձնարարությամբ հատուկ առաքելություններ է իրականացրել Լիբերիայում, Կոնգոյում եւ Եմենում:
