նախընտրելի դարձնելՕգոստոսի 17-ին, ժամը 20.52-ին ահազանգ է ստացվել, որ հրդեհ է բռնկվել Լոռու մարզի Վանաձոր քաղաքում:
ԱԻՆ լրատվական ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Տավրոսի 17-րդ փողոցի թիվ 7 տնակի նկուղում, ինչի հետեւանքով 6-ամյա Նարեկ Սարգսյանը ստացել է երկրորդ կարգի այրվածքներ: Տուժածը տեղափոխվել է Վանաձորի բժշկական կենտրոն:
Հրդեհը մարվել է տեղի ուժերով: Այրվել է պլաստմասե ջրի տարա:
Բժիշկների գնահատմամբ` երեխայի առողջական վիճակը միջին ծանրության է:
