նախընտրելի դարձնելՋուլիան Ասանժը հրաժարվել է Մեծ Բրիտանիայում Ավստրալիայի դեսպանատան առաջարկած օգնությունից: Ինչպես հաղորդում է «Էխո Մոսկվի»-ն, WikiLeaks –ի հիմնադիրը այժմ բրիտանական արդարադատությունից թաքնվում է Լոնդոնում Էկվադորի դեսպանատանը, որը քաղաքական ապաստարան է տրամադրել Ասանժին:
«ՆՏՎ» հեռուստաընկերությունը, հղում անելով Կանաչ մայրցամաքի արտաքին գերատեսչության ներկայացուցչին, հաղորդել է, որ հյուպատոսության աշխատակիցները 8 անգամ կապ են հաստատել Էկվադորի դեսպանատան հետ, սակայն Ասանժը հրաժարվել է առաջարկված օգնությունից: Սպասվում է, որ այսօր Ասանժը երկար ժամանակ անց կանի առաջին հրապարակային հայտարարությունը:
Հիշեցնենք, որ վերջերս Էկվադորը հայտարարել էր Ասանժին քաղաքական ապաստան տրամադրելու մասին, ինչը հանգեցրել էր դիվանագիտական առճակատման այդ լատինաամերիկյան հանրապետության եւ Մեծ Բրիտանիայի միջեւ:
Լոնդոնը հայտարարել էր, որ բաց չի թողնի համացանցի գործչին Էկվադորի դեսպանատան շեմից այն կողմ եւ չի բացառել հարձակման հնարավորությունը:
