նախընտրելի դարձնելՀայաստանի առեւտրաարդյունաբերական պալատ է դիմել սիրիահայ 20 - 25 գործարար` խորհրդատվության համար: Այս մասին NEWS.am-ի թղթակցին ասաց ԱԱՊ գործադիր տնօրեն Արայիկ Վարդանյանը:
Հիշեցնենք, որ օգոստոսի սկզբին ԱԱՊ-ն հայտարարել էր, որ Հայաստանում գործարարությամբ զբաղվել ցանկացող սիրիահայերին անվճար խորհրդատվություն կտրամադրվի:
«Հետաքրքրություն ցուցաբերող ձեռներեցների հետ մենք հիմա բանակցություններ ենք վարում», -տեղեկացրեց Վարդանյանը: Վերջնական որոշում գործարարները դեռ չեն կայացրել:
Խորհրդատվություններն ընդգրկում են հիմնական օրենսդրությունը` հարկային եւ մաքսային, աշխատանքային եւ քաղաքացիական օերնսգրքերը, սեփականության ձեռքբերման, շուկաների եւ Հայաստանի բիզնեսի հետ կապերի հաստատման մասին տեղեկություններ:
