նախընտրելի դարձնելՕգոստոսի 22-ին, ժամը 04.00-ի սահմաններում, «Նիսան-Մարչ» մակնիշի ավտոմեքենան Երեւանի Կիեւյան կամրջի վրա, էլեկտրասյան մոտ, բախվել է փողոցի եզրաքարերին: Վարորդը մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, որ օգոստոսի 22-ին, ժամը 22.00-ի սահմաններում, «Ֆորդ» մակնիշի ավտոմեքենան Ճամբարակ-Սեւան ճանապարհի 1-ին կմ-ին բախվել է արգելապատնեշին: Պատահարի հետեւանքով վարորդը եւ ուղեւորը մարմնական վնասվածքներով տեղափոխվել են հիվանդանոց:
Օգոստոսի 22-ին, ժամը 23.30-ի սահմաններում, Գորիս-Ստեփանակերտ ճանապարհի 8-րդ կմ-ին ձախ շրջադարձ կատարելիս «Հունդայի Գեթս» մակնիշի ավտոմեքենա է դուրս եկել բանուկ մասից եւ ընկել փոսը, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:
Բոլոր դեպքերով կատարվում է քննություն:
