Էստոնիայում` սահմանային Նարվա քաղաքում ցուցադրության է դրվել Pussy Riot փանկ-խմբին աջակցող ցուցանակ:

Ցուցանակի վրա  անգլերեն, ռուսերեն եւ էստոներեն լեզուներով գրված է «Ազատությունը չես գողանա: Ազատություն Pussy Riot-ին» գրությունը: 24x8մետր չափերով ցուցանակը օգոստոսի 25-ի վաղ առավոտյան մի խումբ դիմակավորված երիտասարդներ կախել են  «Վիկտորիա» բաստիոնի պատին:

Ինչպես լրագրողներին հայտնել է ակցիայի կազմակերպիչ  KesKus թերթի խմբագիր  եւ խորհրդարանի պատգամավոր Յուկու-Կալլե Ռայդը «Մեր գործողություններում չկան ոչ մի քաղաքականություն, մենք միայն խոսում  ենք  խոսքի ազատության մասին»: Ցուցանակի վրա իր ստորագրությունն է թողել նաեւ ռուս լրագրող Արտեմի Տրոյցկին, հայտնում է «Էխո Մոսկվին»:

Սակայն ցուցանակը կախված է մնացել միայն մի քանի ժամ, քաղաքի բնակիչները այն հանել են: