նախընտրելի դարձնելԿալիմանտան կղզու ինդոնեզական հատվածում փրկարարներն օգոստոսի 26-ին հայտնաբերել են այնտեղ ընկած ինքնաթիռի բեկորները: Ինքնաթիռի բոլոր ուղեւորները զոհվել են:
Ինչպես հայտնել էր NEWS.am-ը, օգոստոսի 24-ին Ինդոնեզիայի Բորնեո կղզում չորս ուղեւորով ինքնաթիռ էր կորել: Ինքնաթիռի հետ կապն ընդհհատվել էր Սամարինդա քաղաքի օդանավակայանից թռչելուց հետո մի քանի րոպե անց:
Ինքնաթիռում, որը ղեկավարում էր Ինդոնեզիայի քաղաքացին, չորս մարդ էր եղել` օդաչուն, եւս երկու ինդոնեզացի եւ երկրահետախուզական Elliott Geophysics ընկերության քաղաքացի Ջոն Էլիոթը` Ավստրալիայի քաղաքացի:
«Ինքնաթիռի բոլոր ուղեւորները եւ օդաչուն ընկնելիս մասնատվել են եւ այրվել», - հայտարարել է Արեւելյան Կալիմանտան նահանգի ոստիկանության պետի տեղակալ, ջոկատային գեներալ Ռուսլի Նասուտիոնը, հայտնում է «ՌԻԱ Նովոստին»:
Օգոստոսի 27-ի առավոտյան զոհվածների մարմինները տեղափոխվել են Սամարինդայի հիվանդանոց, սկսվել է ողբերգության պատճառների քննությունը:
