նախընտրելի դարձնելԽաղաղ օվկիանոսում` Սալվադորի ափից հարավ, տեղի է ունեցել հզոր երկրաշարժ: Ըստ ԱՄՆ-ի երկրաբանական ծառայության` ստորերկրյա ցնցումների ուժգնությունը հասել են 7,4 բալի:
Էպիկենտրոնը գտնվել է Ուսուլթան քաղաքի ափերից 125 կմ հարավ, հիպոկենտրոնը` 52,9 կմ խորությունում: Ցնցումը գրանցվել է տեղական ժամանակով 22:37-ին (08:37` Երեւանի ժամանակով):
Ներկայումս ավերածությունների եւ տուժածների մասին տեղեկատվություն չկա, հայտնում է rbc-ն:
Ինչպես զգուշացնում են ամերիկացի երկրաբանները, հսկայական ալիք է սպառնում Կենտրոնական եւ Հյուսիսային Ամերիկայի մի շարք երկրների: Հարվածից կարող են տուժել Կոստա Ռիկայի, Նիկարագուայի, Սալվադորի, Հոնդուրասի, Գվատեմալայի, Պնամայի եւ Մեքսիկայի ափերը, հայտնում է «Ռոսիյսկայա գազետան»:
Սալվադորը Խաղաղօվկիանոսյան հրե գոտու երկրներից է, գտնվում է գործող հրաբուխների գծում, որոնք անցնում են Հարավային եւ Հյուսիսային Ամերիկայի երկրներով, Ճապոնիայով, Ինդոնեզիայով եւ Նոր Զելանդիայով: Հրաբխային շղթայի երկարությունը 40 հազար կմ է:
