նախընտրելի դարձնելՀռոմի պապ Բենեդիկտոս XVI-ը սեպտեմբերին կայցելի Լիբանան` չնայած մտավախություններին: Այդ մասին օգոստոսի 27-ին հայտնել է Վատիկանի ռադիոն` հղում անելով Պապական խորհրդի ղեկավար, կարդինալ Ժան Լուի Թորանին:
Լիբանանում կաթոլիկական հայրապետության ներկայացուցիչ Ջորջ Մասրին Վատիկանի ռադիոյին հայտնել է, որ Պապի այցը Մերձավոր Արեւելք շատ կարեւոր է:
Սեպտեմբերի 14-ին նա կուղեւորվի Բեյրութ, իսկ այնտեղից էլ` Հարիսու քաղաք: Գիշերը Պապը կանգ կառնի Լիբանանում, հայտնում է «ՌԻԱ Նովոստին»:
Հաջորդ օրը Բենեդիկտոս XVI-ը կայցելի երկրի նախագահին, կհանդիպի վարչապետի, խորհրդարանի ղեկավարի եւ Լիբանանի մահմեդական համայնքի ղեկավարի հետ:
Բենեդիկտոս XVI-ը սեպտեմբերի 16-ին կգլխավորի Բեյրութի ժամերգությունը, որից հետո եպիսկոպոսներին կհանձնի Առաքելական ուղերձ:
