Հրշեջներին ոչ մի կերպ չի հաջողվում մարել Վենեսուելայի  խոշորագույն նավթագործարանի հրդեհը:  Կրակով է բռնկված արդեն երրորդ պահեստը, իսկ գործարանում դրանց թիվը  9 է: Շիջմանը մասնակցում են 200 հրշեջներ: Ծուխը երեւում է  մի քանի կմ հեռավորությունից:

Ինչպես տեղական լրատվամիջոցներին վկայակոչելով հաղորդում է «vesti.ru»-ն,  ոչ հեռու գտնվող բնակավայրերում խուճապ է սկսվել:

Զոհերի քանակը շարունակում է աճել: Ըստ վերջին տվյալների` զոհերի թիվը հասել է 48-ի: Տասնյակ տուժածներ հիվանդանոցներում են:

Ուգո Չավեսը նախարարներին կոչ է արել  Վենեսուելայի պատմության մեջ  ամենախոշոր տեխնածին աղետի  մանրամասն քննություն անցկացնել: