նախընտրելի դարձնելԱՄՆ-ի բանակի 6 զինվորականներ կարգապահական նկատողություններ են ստացել Ղուրանն այրելու համար: Այդ մասին հայտնել են Պենտագոնի ներկայացուցիչները:
Ըստ քննության տվյալների` մահմեդականների սուրբ գրքի այրումը չկանխամտածված սխալ է եղել, հաղորդում է ԻՏԱՌ-ՏԱՍՍ-ը: Թե ինչպիսի «կարգապահական նկատողություններ» են ստացել զինծառայողները, չի ճշտվում: Ամեն դեպքում քրեական պատիժ ոչ ոք չի կրել:
Ռազմական գերատեսչությունում նաեւ հայտնել են, որ կարգապահական նկատողություններ են ստացել նաեւ երեք ծովային հետեւակները, որոնք միզել էին մեռած թալիբների մարմիններին:
Հիշեցնենք, որ ամերիկյան զինվորների գործողությունները հանգեցրին բողոքի ակցիաների ամբողջ Աֆղանստանում: քննության` այս տարվա փետրվարին Բաղրամի ռազմակայանում այրվել է հոգեւոր 300 գիրք:
Աֆղանստանում անմիջապես սկսվել էին զանգվածային անկարգոթյուններ, որոնք մի շաբաթվա ընթացքում խլել էին 30 մարդու կյանք: Նրանց շարքում են ամերիկացի 4 զինծառայողներ: Փետրվարի 25-ին ԱՄՆ-ից ռազմական 2 հրահանգիչներ սպանվել էին Քաբուլի ՆԳՆ-ի շենքում:
