նախընտրելի դարձնելԿարմիր մոլորակում պատմության մեջ առաջին անգամ մարդկային խոսք է հնչել։
Curiosity մարսագնացը արտաքին ձայնասյուների օգնությամբ հնչեցրել է NASA-ի տնօրեն Չարլզ Բոլդուենի համառոտ ճառը, որում վերջինս գործընկերներին շնորհավորել է հաջող վայրէջքի եւ գործունեության մեկնարկի կապակցությամբ։
«Ողջույն։ Խոսում է NASA-ի ադմինիստրատոր Չարլզ Բոլդուենը։ Ես խոսում եմ օգտագործելով Curiosity մարսագնացի հնարավորությունները, որը գտնվում է Մարսի մակերեւույթին», - հնչել է Մարսի անապատներում։ Curiosity-ն առաջին սարքն էր, որ մարդկային ձայն հնչեցրեց այլ մոլորակի վրա, հաղորդում է pravda.ru-ն։
Միաժամանակ, Curiosity-ի բարձրախոսները ճառը ձայնագրել են, եւ ստացված ձայնագրությունը հետո ուղարկվել է երկիր: Ի դեպ, մարսագնացը չի գրանցել ոչ մի աղմուկ: Կարմիր մոլորակի մակերեւույթին արված ձայնագրությունը կարելի է լսել NASA-ի կայքում:
Curiosity-ն արել է նաեւ Մարսի նոր համայնապատկերների բարձրորակ նկարահանումներ: Ստորոտներին մարսագնացը նկատել է մակերեւույթ, որը նման է եղել Ամերիկյան Մեծ կիրճին: Այդ երկրաբանական գոյացությունները Curiosity-ն կարող է ուսումնասիրել 3 ամիս անց: Այդ ընթացքում մարսագնացը կանցնի շուրջ 10 կմ:
