նախընտրելի դարձնելԴաղստանի մահմեդականների շեյխ Սաիդ Աֆանդիի տանը որոտացած պայթյունի հետեւանքով զոհվել է վեց մարդ: Պայթուցիկ սարքը գործի է դրել մահապարտ կինը: Ահաբեկչությունը տեղի է ունեցել Բույնակի շրջանի Չիրկեյ գյուղում, օգոստոսի 28-ի երեկոյան:
Աֆանդին մահացել է դեպքի վայրում ստացած վնասվածքներից: Պայթյունից զոհվել են նաեւ հինգ հավատացյալներ եւ ահաբեկիչը:
Վերջին տվյալներով, ահաբեկիչը Աֆանդիի տուն է եկել ուխտավորի անվան տակ, ապա պայթեցրել գոտուն ամրակցված ռումբը:
Սաիդ Ացաեւը հեղինակավոր մահմեդական գիտնական սուֆի էր, եւ մեծ ազդեցություն ուներ Դաղստանում:
