նախընտրելի դարձնելՎրաց-ռուսական սահմանի դաղստանյան շրջանում ճգնաժամային իրավիճակը կառավարելու համար վարչապետ Վանո Մերաբիշվիլիի գլխավորությամբ արտակարգ շտաբ է ձեւավորվել: Այս մասին հայտնել է Վրաստանի ՆԳՆ-ի մամուլի-ծառայությունից:
«Նովոստի Գրուզիայի» փոխանցմամբ ճգնաժամային շտաբի մեջ ներգրավվել են ՆԳՆ-ի, Պաշտպանության նախարարության եւ Արդարադատության նախարարության ներկայացուցիչներ:
Հիշեցնենք, որ Վրաստանի ՆԳՆ-ն գիշերվանից հատուկ գործողություններ է իրականացնում գերիների ազատագրման եւ Դաղստանի սահմանի մոտակայքում հայտնաբերված զինված խմբի ձերբակալման ուղղությամբ:
Նախնական տվյալներով` վիրավորվել են Վրաստանի ՆԳՆ-ի երեք աշխատակից:
«Իմեդիայի» տեղեկացմամբ, Դաղստանից Վրաստանի տարածք են ներթափանցել 20 գրոհայիններից բաղկացած լավ զինված խումբ:
«Գրուզիա օն-լայնը» հայտնում է, որՎրաստանի ՆԳՆ տարածել է ազատագրված գերիների տեսաժապավեն:
Իրենց ցուցմունքներում գերիները հայտնում են, որ իրենք հանգստի էին մեկնել, երբ տեսել էին մինչեւ ատամները լավ զինված գրոհայինների, ովքեր նրանց առաջարկել են հետեւլ իրենց, հակառակ դեպքում սպառնացել են կրակել:
Ազատագրվածներից մեկի պատմելով առեւանգողները լավ զինված, մորուքավոր մարդիկ էին, որոնց թիվը հասնում է 15-ի:
