նախընտրելի դարձնելՀանրահայտ «Facebook» սոցիալական ցանցի հնաբնակը 101-ամյա ամերիկացի Ֆլորենս Դեթլորն է: Նրա համար էքսկուրսիա է կազմակերպվել ընկերության` Մենլո պարկում գտնվող գրասենյակում եւ հանդիսավոր ընդունելություն` Մարկ Ցուկերբերգի մոտ: Տարեց ամերիկուհին, ի դեպ, բնակվում է հենց Մենլո պարկում:
Էքսկուրսիայից հետո Դեթլորը լուսանկարվելէ «Facebook»-ի առաջին դեմքերի հետ: Լուսանկարը, որն իր էջում տեղադրել է «Facebook»-ի փոխնախագահ Շերիլ Սենդբերգը, արդեն մոտ յոթ հազար «լայք» է ստացել, տեղեկացնում է ԻՏԱՌ-ՏԱՍՍ-ը:
Դեթլորը սոցիալական ցանցում գրանցվել է ընդամենը երեք տարի առաջ: Տարեց ամերիկուհու էջի վերջին գրառումներից մեկում նշվում է, թե «նա սիրում է մտածել նոր ընկերների մասին»:
