նախընտրելի դարձնել«Սկորպիուս» զբոսանավը, որը կրկնակի շուրջերկրյա ճանապարհորդություն է իրականացնում եւ խարիսխ է գցել Հարավարեւելյան ծովի Բենետա կղզու ափին, մեկնում է որոնելու Սաննիկովի երկիրը՝ Հյուսիսային Սառուցյալ օվկիանոսի կղզի-ուրվականը։
Արշավախմբի մամուլի քարտուղար Աննա Սուբոտինան հայտնել է, որ օգոստոսի 30-ին ռուս-ուկրաինական բեւեռային արշավախմբի ղեկավար Սերգեյ Նիզովցեւը հայտնել է, որ նավի անձնակազմը որոշել է փորձել գտնել Սաննիկովի երկիրը:
Սերգեյ Նիզովցեւը խոստովանել է, որ միշտ երազել է կատարել աշխարհագրական հայտնագործություն եւ միանգամայն գիտակցում է, թե ինչքան վտանգավոր է տվյալ ծովագնացությունը: Առջեւում 600 մղոն սառցե զագված է, սառցե հեղեղներ, մառախուղներ, վտանգ եւ անհայտություն: Նավի պաշարները կբավականացնեն մեկ ամիս, հաղորդում է «ՌԻԱ Նովոստին»:
1902 թվականին Սաննիկովի երկրի որոնումների ժամանակ արշավախմբի բոլոր մասնակիցների հետ զոհվել էր երկրաբան Էդուարդ Տոլը: Ալեքսանդր Կոլչակի գլխավորած փրկարարական արշավախումբը միայն հայտնաբերել է Տոլի փաստաթղթերը, սարքերը եւ օրագիրը:
«Բազմաթիվ գիտնականներ այդ երկիրը որոնել են մինչեւ նախորդ դարի կեսերը, հետո հանգել են այն եզրակացությանը, որ այն անհետացել է», - բացատրել է Սուբոտինան:
