Աֆղանցի թալիբները առեւանգել եւ գլխատել են 12-ամյա տղայի։ Երեխայի մարմինը հայտնաբերվել է Աֆղանստանի հարավային Քանդահար նահանգում։

Նահանգապետի ներկայացուցիչը հաղորդել է, որ տղային առեւանգել են այն ժամանակ, երբ նա հոր հանձնարարությամբ գնացել էր շուկա, գրում է «Ռոսբալտը»։

Տեղի իրավապահ մարմինների տվյալներով՝ արյունալի հաշվեհարդարի պատճառն այն է, որ տղայի ավագ  եղբայրը ծառայում է ոստիկանությունում  եւ մասնակցում թալիբների դեմ գործողություններին։

«Թալիբանի» ներկայացուցիչներն առայժմ չեն մեկնաբանում կատարվածը։

Հիշեցնենք, օգոստոսի 27-ին Աֆղանստանի Գիլմենդ նահանգում գտել էին խաղաղ 17 բնակիչների մարմիններ։ Առայժմ հայտնի չէ՝ ով է կանգնած սպանությունների թիկունքում։