նախընտրելի դարձնելՄեկ ժամ հետո, Վաշինգտոնի ժամանակով ժամը 15:00 –ին, Վաշինգտոնում Հունգարիայի դեսպանատան առջեւ կմեկնարկի Ամերիկայի հայկական մի շարք կազմակերպությունների նախաձեռնած հանրահավաքը` բողոք հայտնելու համար ադրբեջանցի մարդասպան Ռամիլ Սաֆարովի արտահանձնման կապակցությամբ:
Ինչպես NEWS.am-ին հայտնեցին Ամերիկայի հայկական ազգային կոմիտեից (ANCA), հանրահավաքի պատճառը Հունգարիայի իշխանությունների անարդարացի գործողություններն են, որոնք հանգեցրին դաժան մարդասպանի ազատ արձակմանը:
Ավելի վաղ կոմիտեն նամակով դիմել էր ԱՄՆ նախագահ Բարաք Օբամային` կոչ անելով հրապարակավ դատապարտել Հունգարիայի կողմից ահաբեկչի արտահանձնումն ու նրա ազատ արձակումը, ինչպես նաեւ պահանջել նրան կրկին կալանքի տակ վերցնել:
