նախընտրելի դարձնելՎրաստանի նախագահ Միխայիլ Սահակաշվիլին ուսանողների մոտ բանակի նկատմամբ հետաքրքրություն առաջացնելու նոր առաջարկով է հանդես եկել:
Աբխազիայի սահմանին գտնվող Անակլյա ճամբարում հանդիպելով ուսանողների հետ` նա հայտնել է, որ պետական քննությունները հաջող հանձնած ցանկացած ուսանող կարող է չորսամյան պետական գրանտ ստանալ` ուսման վճարի համար: Իսկ եթե ուսանողը հաղթահարել է ամենացածր ցուցանիշը, սակայն գրանտ չի ստացել, նա կարող է չորսամյա վճարը ստանալ այն դեպքում, եթե անցնի ծառայության 12 ամիս, հայտնում է «Գրուզիա -օնլայն»-ը
Իսկ այն դեպքում, եթե երիտասարդը քննություններից հետո երկու տարի ծառայի բանակում, ապա պետությունը կհովանավորի ուսման ողջ ընթացքը, այդ թվում մագիստրատուրան:
Զինվորական-վերլուծական «Արսենալ» անկախ ամսագրի գլխավոր խմբագիրը «Ազատություն» ռադիոյին հայտնել է, թե չի կարծում, որ նախագահի նախաձեռնությունը կապված է բանակ զորակոչվելու դժվարությունների հետ, քանի որ զորակոչման ծրագիրը իրականացվում է 100 տոկոսով: Ըստ նրա, այս քայլով կառավարությունը ցանկանում է բարձրացնել զինվարական ծառայության վարկանիշը, բանակի կողմը գրավել երիտասարադության առավել մտավոր եւ «առաջադեմ» հատվածին, ինչպես նաեւ օգնել աղքատ ընտանիքների երիտասարդներին վճարել ուսման վարձը»:
Վրաստանի բանակը հիմնականում կազմաված է պայմանագրային զիծառայողներից, ընդ որում ծատայությունը կարելի է հետաձգել` պաշտոնապես բյուջե վճարելով 2000 լարի (մոտ 1200 դոլար):
