նախընտրելի դարձնել
Curiosity մարսագնացը ձեռնամուխ է եղել իր «ձեռք-մանիպուլյատորի» եւ դրան ամրացված գիտական գործիքների ստուգմանը:
«Ձեռքի» երկարությունը, որին կցված են գիտական սարքավորումները, կազմում է 2,1 մետր, այն ունի ռենտգենյան APXS ալֆա-սպեկտրոմետր, որը նախատեսված է նյութի քիմիական բաղադրությունը պարզելու համար, MAHLI տեսախցիկ, որն ընդունակ է 14 միկրոն չափի դետալներ տարբերակել, ինչպես նաեւ այլ սարքավորումներ:
Թեստերը եւ ստուգումները կտեւեն 10 օր, գրում է «Ռոսբալտը»:
Ինչպես հաղորդել էր NEWS.am-ը, Curiosity մարսագնացը օգոստոսի 6-ին հաջող վայրէջք էր կատարել Մարսի մակերեւույթին` Գեյլ խառնարանի մոտ: Այն արդեն առաջին տվյալներն ուղարկել է Երկիր: Մարսագնացի առաջադրանքն է մոլորակում ջրի հետքեր գտնելը, ինչպես նաեւ այն հարցի պատասխանը` արդյոք մոլորակում երբեւէ կյանք գոյություն ունեցել է, թե ոչ:
