Սիրիայում մեծությամբ երկրորդ քաղաքի` Հալեպի Քուրա Արդիա թաղամասում սեպտեմբերի 9-ին պայթյուն է որոտացել: Արդյունքում ավերվել են երկու հիվանդանոցների շենքերը, նաեւ դպրոցներ եւ բնակելի տներ: Ըստ նախնական տվյալների` զոհվել է 27 մարդ, եւս 64-ը վիրավորվել են, հաղորդում է ԻՏԱՌ-ՏԱՍՍ-ը` վկայակոչելով «Սուրիա» հեռուստաալիքը:

Ըստ սիրիական տեղեկատվական «ՍԱՆԱ» գործակալության, ահաբեկիչները կիրառել են տոննայից ավելի պայթուցիկ, որը տեղակայված է եղել միկրոավտոբուսի մեջ:  

Զոհվածնեի շարքում են բժշկակակն անձնակազմը եւ քաղաքային երկու հիվանդանոցների հիվանդները:

Պայթյունի վայրում փրկարարական աշխատանքներ են ընթանում, փլատակների տակից հանվում են մարդկանց մարմինները: Զոհերի թիվը կարող է աճել` հաշվի առնելով բազմաթիվ վիրավորների ծանր վիճակը: Մի շարք բնակիչներ ուժեղ այրվածքներով տեղափոխվել են հիվանդանոցներ:

«ՍԱՆԱ»-ն մեղադրում է  «ահաբեկիչների  հանցախմբին եւ վարձկաններին», նաեւ հայտնում է այն մասին, որ սիրիական զինվորականները Մեյսալունում ազատել են 30 գերիների: Բանակային ստորաբաժանումները փոխհրաձգության  արդյունքում ոչնչացրել են գրոհայինների խոշոր  ջոկատի: