նախընտրելի դարձնել
Վրաստանը պատրաստ է Լոպոտի կիրճում հատուկ գործողություններ անցկացնելու հարցում համագործակցել Ռուսաստանի հետ: Այդ մասին այսօր` սեպտեմբերի 10-ին ավանդական ճեպազրույցի ընթացքում հայտարարել է Վրաստանի ԱԳ նախարար Նինո Կալանդաձեն:
Նա հայտնել է, որ Ռուսաստանը պաշտոնապես չի դիմել վրացական կողմին, այդ թվում նաեւ Շվեյցարիայի դեսպանության միջնորդությամբ:
Կալանդաձեն միաժամանակ համոզմունք է հայտնել, որ տվյալ հատուկ գործողությունը ոչ մի կերպ չի բարդացնի հարաբերությունները հյուսիսկովկասյան ժողովուրդների հետ, հայտնում է «Գռուզիա օնլայնը»:
«Մենք շարունակում ենք բաց դռների քաղաքականությունը հյուսիսկովկասցիների հետ: Ոչ մի բան չի մատնանշում, որ այդ հարաբերություններին որեւէ բան է սպառնում: Ինչ վերաբերում է Ռուսաստանի քաղաքացիներին (հատուկ գործողության ընթացքում զոհված), ՌԴ-ն մեզ պաշտոնապես չի դիմել, այդ թվում նաեւ Շվեյցարիայի դեսպանատան միջոցով: Մենք պատրաստ ենք համագործակցության», - հայտարարել է Կալանդաձեն:
