Բեթմենի մասին ֆիլմի ցուցադրության ժամանակ տուժածներից մեկը դատարան միջնորդություն է նեկայացրել Ջեյմս Հոլմսի վրայից մեղադրանքները հանելու համար: Նա պնդում է, որ հանցագործությունն իրականում կատարել են մասոնները:

Միջնորդի անունը  չի հրապարակվում: Նա հայտարարում է, որ իրեն կրակել է ոչ թե Հոլմսը, այլ տեղական ոստիկանապետ Դեն Օութսը:

Միջնորդության հեղինակը պահանջում է ազատել Հոլմսին եւ գործ հարուցել Օութսի եւ մագնատ Ֆիլիպ Անշուցի դեմ, որոնք հանցագործությունը կազմակերպել էին մասոնների պատվերով:

Դատավոր Ուիլյամ Սիլվեսթրը հրահանգել է ստուգել միջնորդությունը:

Ինչպես ավելի վաղ հայտնել էր NEWS.am-ը, հուլիսի 20-ին  Ավրորայի  Century 16 Movie կինոթատրոնում Բեթմենի մասին նոր ֆիլմի ցուցադրության ընթացքում զանգվածային սպանություն էր տեղի ունեցել: 24-ամյա ամերիկացի Ջեյմս Հոլմսը կինոսեանսի ժամանակ հրաձգություն էր սկսել:  Զոհվել էր 12 մարդ, 58-ը վիրավորվել էին: 

«Հրաձիգին» ձերբակալել էին  միանգամից: