նախընտրելի դարձնելՍիրիայում իրադրության կարգավորման համար ցանկացած նախապայմանների առաջադրումն անընդունելի է: Արտաքին ուժերից ոչ մեկը իրավունք չունի նախագահ պարտադրել Սիրիայի ժողովրդին: Միայն սիրիացիները պետք է ասեն իրենց խոսքը հաջորդ ընտրություններին: Այդ մասին հայտարարել է Մերձավոր Արեւելքում Ռուսաստանի հատուկ պատվիրակ, արտգործնախարարի տեղակալ Միխայիլ Բոգդանովը ռուսական պետական արաբալեզու «Ռուսիա ալ Յաում» հեռուստաալիքի հետ հարցազրույցում:
Բոգդանովը պնդել է, որ Ժնեւյան համաձայնագիրը եւ Քոֆի Անանի նախագիծը պետք է Սիրիայում քաղաքական գործընթացի հիմք դառնան: Նա նշել է, որԱնանի նախագծին, Ժնեւյան համաձայնագրին եւ ՄԱԿ-ի ԱԽ-ի №№ 2042 եւ 2043 բանաձեւերին առայժմ այլընտրանք չկա:
Բոգդանովը նշել է, որ Ռուսաստանն իր արեւմտյան գործընկերներին առաջարկել է ԱԽ-ում նոր բանաձեւ ընդունել, որտեղ ժնեւյան պայմանավորվածությունները կամրագրվեին եւ պարտադիր կճանաչվեն բոլոր կողմերի համար:
Իր հերթին Իրանի ԱԳՆ-ի մամուլի քարտուղար Ռամին Մեհմանփարաստը կրկին ընդգծել է Սիրիայում արտաքին ներխուժման անընդունելիությունը: Նա ընդգծել է, որ սիրիական ճգնաժամի կարգավորման ուղին զինված հանցախմբերի գործունեության դադարեցումն է: Պատասխանելով Սիրիայի հասցեին ԱՄՆ-ի պետքարտուղար Հիլարի Քլինթոնի հնչեցրած սպառնալիքների վերաբերյալ հարցին`Մեհմանփարաստը նման արտահատությունները բնութագրել է որպես անտրամաբանական, անընդունելի եւ անգիտակից, քանի որ Սիրիա արտաքին ներխուժման դեպքում տարածաշրջանի բոլոր երկրները կներքաշվեն պատերազմի մեջ:
Մեհմանփարաստը նորից հայտարարել է իր տարածքում սիրիական կառավարության եւ ընդդիմության միջեւ երկխոսության անցկացման վերաբերյալ Իրանի պատրաստակամության մասին:
