Facebook-ի սեփականատեր Մարկ Ցուկերբերգը հիասթափված է սոցիալական կայքի բաժնետոմսերի գնի անկմամբ:  TechCrunch բլոգի հիմնադիր Մայքլ Արինգթոնի հետ զրույցում նա պատմել է կայքի զարգացման մասին եւ գնահատել է նրա հեռանկարները: 

Ցուկերբերգը պատմել է, որ ժամանակին Facebook-ը հեռանկարային ընկերություն չէր, բայց շատ բանի է հասել, իսկ այժմ այն թերագնահատում են:  Նա հայտարարել է, որ «ներդրողները չեն էլ պատկերացնում, թե ինչ ներուժ ունի այն», գրում է  «gazeta.ru»-ն:

Ըստ նրա` ընկերությունը պետք է իր առաջ մեծ առաջադրանքներ դնի եւ կատարի դրանք: «Facebook-ն ընդունել է իր սխալները», - ընդգծել է Ցուկերբերգը:

Այժմ Ցուկերբերգը կենտրոնանում է բջջային տեխնոլոգիաների վրա: Ըստ նրա` սոցկայքի օգտվողների համարյա կեսը (500 միլիոն մարդ) կայք են մտնում բջջային հեռախոսներից: Նա հերքել է, այն տեղեկությունները, որ  Facebook-ը մշակում է սեփական սմարթֆոնը: 

Ինչպես հաղորդում է rbc-ն,  Ցուկերբերգը հայտնել է, որ ընկերությունը մտադիր է բջջային ոլորտում  զարգանալ գովազդների հաշվին:

«Այն ամենն ինչ ես անում եմ, կոտրվում է, սակայն կարողանում եմ արագ նորոգել», - կատակել է  Facebook-ի հիմնադիրը` պատասխանելով ընկերության բաժնետոմսերի գների անկման վերաբերյալ հարցին:

Սոցկայքը բաժնետոմսերը բորսա էր դուրս բերել մայիսի 18-ին` 38 դոլարով: Մայիսի 22-ին դրանց արժեքը կազմել էր 31 դոլար: Իսկ սեպտեմբերի 4-ին` աճուրդի փակմանը, սոցկայքի բաժնետոմսերն արժեին արդեն 17,55 դոլար: 

Facebook-ը շարունակոմ է մնալ աշխարհի խոշորագույն սոցիալակա նցանցը, կայքից օգտվողների թիվը գերազանցում է 900 միլիոնը: