նախընտրելի դարձնելՈւլյանովսկում ադրբեջանական համայնքի ղեկավարի վրա հարձակման կասկածանքով հետախուզվում են 2 մարդ: Նրանցից մեկն Ադրբեջանից է:
Ըստ տեղական Քննչական կոմիտեի` ադրբեջանական համայնքի ղեկավար Իսլամ Հուսեյնովի վրա ենթադրաբար հարձակվել է 31-ամյա Նահիդ Բոյուքագա Օղլի Զախիդովը: Այժմ նրա նկարները տարածվել են շրջանի ոստիկանական բոլոր կետերում: Հիշեցնենք, որ Իսլամ Հուսեյնովի վրա հարձակվել էին սեպտեմբերի 11-ին: Հուսեյնովը վիրավորվել էր, իսկ նրա թիկնապահը` մահացել:
Ինչպես հայտնում է LifeNews-ը, «Համառուսաստանյան ադրբեջանական կոնգրեսի» բաժանմունքում սեպտեմբերի 11-ին 2 զինված տղամարդ ներս էին ներխուժել այն պատրվակով, որ իրենց պետք է սփյուռքի ղեկավարի օգնությունը: Թիկնապահը նրանց ներս էր թողել, հետո լսվել էին կրակոցներ: Հանցագործներին զինաթափելու փորձի ժամանակ թիկնապահը մահացու վիրավորվել էր, Իսլամ Հուսեյնովը տեղափոխվել էր հիվանդանոց:
Հուսեյնովը կարծում է, որ Զախիդովը կատարածու է եղել, նրա հետեւում այլ մարդիկ են կանգնած, քրեական խոշորհեղինակություններ:
