Ղազախստանում ավարտվել է ահաբեկիչների զինաթափման հատուկ գործողությունը. գործողության արդյունքում Կուլսարի քաղաքում ոչնչացվել են ենթադրյալ 5 ահաբեկիչներ, մեկը` վիրավորվել է: Այս մասին հայտնել է պետության Գլխավոր դատախազության մամուլի ծառայությունից:

Ավելի վաղ հաղորդվել էր, որ Ղազախստանում հատուկ գործողություններ են իրականացվում  Կուլսարի քաղաքի բնակելի թաղամասում  ահաբեկչական խմբի վնասազերծման համար: Վաղ առավոտից տարահանվել  են քաղաքի կենտրոնի երեք  շենքերի բնակիչները` գազի արտահոսքի  պատճառաբանությամբ:

Ղազախական լրատվամիջոցների տվյալներով` ծայրահեղականները կապ ունեն Ատիրաուի պայթյունի հետ, ինչի հետեւանքով մեկ մարդ է զոհվել: