Քիմ Քարդաշյանը People  ամսագրի վարկածով ամենաոճային կանանց վարկանիշում  4-րդ հորիզոնականում է հայտնվել: Ցուցակը գլխավորել է Գվինեթ Փելդրոուն: Ամսագրի խմբագրի կարծիքով, օսկարակիր դերասանուհին հագնվում է ավելի ճաշակով, քան մյուս աստղերը:

Երկրորդ հորիզոնականում հայտնվել է արքայազն Ուիլյամի կինը` Քեյթ Միդլթոնը, ով ամենաոճային կանանց ցուցակի մեջ արդեն երրորդ անգամ է հայտնվում, գրում է «Լենտա.ru»:

Երրորդ տեղում հայտնվել է 23-ամյա Էմմա Սթոունը, ով խաղացել է «Նոր սարդ մարդը» ֆիլմում: Չորրորդ տեղում գտնվող Քիմ Քարդաշյանին հետեւում են Միրանդա  Կերրը եւ Ռիզ Ուիզերսպունը:

Վարկանիշային ցուցակում ընդհանուր առմամբ ընդգրկբվել են 10 հայտնի անձինք: Օրինակ People-ի վարկածով լավ ճաշակի տեր են նաեւ Ռիհաննան, Ջեսիկա Ալբան, Դիանա Կրյուգերը եւ Ջենիֆեր Լոպեսը, հաղորդում է BFM.RU-ն:

Անցյալ տարի ամսագրի վարկանիշը գլխավորել է դերասանուհի Բլեյկ Լայվլին, իսկ 2010 թ-ին ամենաոճային աստղ է ճանաչվել Ջենիֆեր Էնիսթոնը: