Մոսկվայում գնդակահարել են Մոսկովյան միջշրջանային հետաքննչական  վարչության քննիչին, ով, ինչպես պարզվել է, հասցրել է աչքի ընկնել աղմկահարույց մի շաքր գործերում: 38-ամյա Ալեքսանդր Լեոնովը սպանվել է սեպտեմբերի 12-ի երեկոյան իր տան մուտքի մոտ:

Մարդասպանը Լեոնովին սպասել է տան մուտքի մոտ, ժամը 11 անց կեսի սահմաններում քննիչը իր կնոջ հետ վերադարձել է տուն: Քանի դեռ կինը կայանում էր մեքենան, Լեոնովը մոտեցել է շենքի մուտքին, այդ պահին էլ լսվել է կրակոցների ձայնը: Ճշտված տեղեկությունների համաձայն թփերում թաքնված մարդասպանը 6 կրակոց է արձակել:

Պարզվել է, որ Լեոնովը, դեռ մեկ տարի առաջ, աշխատել է «Աննեկուս» իրավաբանական գրասենյակում, որը հանդես է եկէլ այնպիսի նշանավոր աստղերի պաշտպանությամբ, ինչպիսիք Ֆիլիպ Կիրկորովն  է, Ալեքսանդր Պորոխովշիկովը եւ Յուրի Անտոնովը:

Լեոնովը ներգրավված է եղել Ֆիլիպ Կիրկորովի դեմ հարուցված այն գործի մեջ, ըստ որի ֆիլիպ Կիրկորովը կասկածվել է լրագրողին դաժանաբար ծեծի ենթարկելու մեջ:

Քննիչների խոսքով, դիտարկվում են սպանության վարկածների  հնարավոր բոլոր տարբերակները: Հանցագործությունը ծրագրված  եւ հավանաբար պատվիրված է եղել: Մարդասպանը գիտեր, թե որտեղ է ապրում Ալեքսանդր Լեոնովը եւ գիտեր, թե որ ժամին է նա տուն վերադառնում: