նախընտրելի դարձնել
Sharp ընկերությունը սկսել է էկրաններ մատակարարել Apple Inc ընկերության նոր iPhone 5-ի համար` սմարթֆոնի շնորհանդեսից անմիջապես հետո: Ավելի վաղ հաղորդվել էր, որ շնորհանդեսը հետաձգման վտանգի առաջ է հայտնվել մատակարարման հետ ծագած դժվարությունների պատճառով:
Ինչպես գրում է The Wall Street Journal թերթը, սեպտեմբերի 12-ին Apple-ի ներկայացրած iPhone 5-ի էկրանների զանգվածային արտադրությունը մեկնարկել է Ճապոնիայում գտնվող Sharp ընկերությունում:
Այն որ Sharp-ը սկսել է էկրաններ մատակարարել, նշանակում է, որ Apple-ի մոտ iPhone 5-ը բաղադրիչների պակաս չի ունենա, քանի որ Sharp-ը Japan Display Inc.-ի եւ հարավկորեական LG Display-ի հետ միասին հանդիսանում է էկրանների մատակարարման երեք ընկերություններից մեկը , գրում է «Գազետա.ru»-ն:
Անցյալ ամիս WSJ-ի աղբյուրը հայտնել է, որ Sharp-ը դեռեւս չի սկսել նոր iPhone-ի էկրանների զանգվածային արտադրությունը` արտադրական դժվարությունների պատճառով, ինչի կապակցությամբ հաղորդվել էր, որ նոր iPhone-ի շնորհանդեսը հետաձգման վտանգի առաջ է հայտնվել:
